藝人何廣沛近日於台慶劇《黑色月光》中扮演莫家朗，一名警隊見習督察，前日他就在社交平台上分享拍攝劇集一單趣事，他寫道：「話說有一次喺觀塘拍《黑色月光》，我著住制服既一場戲，拍拍下我突然間人有三急，我自己諗住行去搵洗手間，咁啱遇著交通督導員喺度工作緊，正當我同佢好近，四目交投之際，佢突然同我講一聲『阿Sir，你好』仲要向我禮貌地點頭，然後離開。我一時之間反應唔切，呆左喺度之後就聽到身邊好多工作人員既笑聲哈哈哈哈哈，一個美麗嘅誤會，其實好想同番個位督導員講聲唔好意思，呢個就係拍戲嘅一個樂趣，畀人以假亂真嘅感覺，真係好感恩不斷有飾演唔同角色嘅機會。」見此，一眾網民紛紛留言大讚他扮演督察一角入型入格，連朱智賢都忍唔住要留言說：「佢心諗邊位阿Sir咁靚仔。」
藝人何廣沛近日於台慶劇《黑色月光》…
