岑麗香（香香）、陳家樂、蘇韻姿及敖嘉年等今日（15日）到九龍城為HOY TV首部原創劇《我愛九龍城》進行開鏡拜神，香香因為奉信基督教，所以在儀式進行時站在旁邊祈禱。香香表示今日首日開工，身為媽媽的她笑言最近也一直想如何安撫兩個兒子：「呢幾日都諗點去處理，老公都好努力配合，但我嘅工作時間唔規律，我覺得我要將自己通告寫出嚟，起碼要畀佢哋睇到，順便等佢哋學識點睇時間。
至於剛做爸爸的家樂就笑指本以為跟香香一起拍，返工時間應該能朝九晚五，沒想到最後還是跟平常一樣不規律，更指因此放了太太連詩雅及B女的飛機：「今日本來陪太太、BB做檢查，不過太太冇詐型，如冇落雨佢哋可能會嚟探班。」他指現時女兒4個月大，每日返工也會非常掛住囡囡，希望能早點回家湊女：「佢依家識得見到你笑，有互動，真係好冧。」笑指他的囡囡可與香香的兒子對親家，香香即笑說：「唔好畀太大壓力家樂，我好明白爹哋對個女係好愛。」家樂直言指對囡囡已是溺愛程度，也擔心自己會太縱容，所以還是需要戒一下，至於香香是否想追個女？她即表示順其自然：「啲人話一孕傻3年，我已經傻咗6年，我唔想再傻多3年，想做醒目嘅人。」問家樂是否覺得連詩雅生完後變笨？他即大膽地笑指太太向來也不聰明：「少啲都冇所謂，佢係有愛心，呢方面就多咗。」另外，香香透露雖現時仍以拼音讀劇本，但因早有完整劇本，加上不需「飛紙仔」，所以問題不大。
