無綫小生羅天宇於台慶劇《巾幗梟雄之懸崖》中飾演一名殺手，是入行以來罕以Cool爆形象示人，而劇中甚多動作戲的他，不時展現有型一面。日前天宇跟劇中主角黎耀祥、胡定欣、蕭正楠等到北京宣傳造勢，席間跟現場觀眾傾偈，甚有氣氛。天宇接受東網獨家訪問時謂：「我係第一次嚟北京，我覺得好特別，因為宣傳劇集而去咗一個從未嚟過嘅地方，大家都好熱情，雖然全日好急趕，接受內地傳媒訪問，又要去見面會，休息時間唔多，但因為呢套劇令到不少內地粉絲認識自己，真係幾開心。」
天宇有不少粉絲到達現場，他們想送花給天宇時，一度被保安阻攔，但天宇很好，主動上前接過他們的禮物，被粉絲大讚有禮又友善，天宇又謂：「有班粉絲係專登買機票由香港飛去北京，再飛到上海，好窩心，而自己好少同內地粉絲接觸，今次真係一個好特別嘅機會。」
