藝人曹永廉於圈中人緣不錯，除有「異姓兄弟」蕭正楠一直不離不棄外，更與余安安、方中信夫婦及方平夫婦等私交甚篤，一班人除定期相約飯敍見面外，有時更會相約出埠旅行，彼此感情相當要好。近日由於朋輩中有多位「十月之星」，余安安即主動發起慶生飯局，事後更於社交平台上載當晚的「開心照」，即時引起熱話。
剛於10月16日「登六」的阿廉感激身邊一直有摯愛親朋的關照與愛護，且不諱言：「其實今年我唔想搞咁多嘢嘅，生日正日原本只係想喺屋企整啲嘢食就算，點知阿蕭（蕭正楠）堅持話要出去食，外父（姜大衞）都有一齊，都係圍內幾個人啫。（有乜願望？）呢個年紀健康最緊要，同埋想多啲嘢做搵吓錢囉，同埋同阿蕭嘅演唱會成功，嚟緊我哋『加場』，12尾會到廣州開唱，仲有其他站都喺度接洽中。」
