43歲李施嬅（Selena）2019年離開效力15年的無綫往外闖，嘗試更多不同的發展，近年亦進攻內地開拓大陸市場，去年參演《新聞女王》中港兩地人氣再急升。她亦不時會更新社交網同大家分享近況，向來熱愛戶外運動的她，日前便上載了一條她去爬山的短片，表示自己克服了畏高症。
李施嬅在片中說道：「呢個係我爬過最驚險嘅山，位於夏威夷嘅Olomana Trial，7公里長，難度超高，共有三個尖，由2011年到依家，已經有七個人為咗去第三個尖跌死咗。我依家去第一個尖嘅路上已經好難，真係想像唔到去第三個尖有幾難，有畏高嘅朋友真係唔好嚟，真係會腳仔軟。」她爬的山坡非常崎嶇陡峭，見她每一步都小心翼翼，期間她更是行到畏高症發作，不過她也能克服到，最後終於登上了第一個尖，她表示：「其實第一個尖嘅風景係最靚，所以真係冇乜必要去冒險去第三個尖。」
