《2024 香港小姐競選決賽》昨晚（15日）順利完成，倪樂琳以大熱姿能贏得后冠，梁嘉莹與楊梓瑤分別獲得亞軍和季軍，三位得獎佳麗在電視城接受完各大傳媒訪問後乘坐大會小巴，返抵入住的將軍澳某酒店，其家人在酒店等候。倪樂琳的媽媽迎接女兒，倪樂琳指其他家人比較害羞在酒店房間等候，家人已經盡備了流心月餅慰勞她。講到慶功她笑說：「好想食嘢，好似好耐冇食嘢咁，今日比賽都只係食咗件三文治，同埋飲咗杯咖啡，依家所有邪惡食物都想食，Pizza、意粉、打邊爐啦都想。」她又指與佳麗們感情好，隨後會請大家食飯。
有家姐迎接的梁嘉莹見面抱抱又喊，她說：「參選以嚟家姐都好支持我，教我講廣東話，鼓勵我減肥，參選以嚟都瘦咗10kg，所以見到佢又喊。」一接陪伴參選的梁嘉莹姐姐則讚妺妹表現好，問到長得像餅印的梁嘉莹姐姐被問到下年會否有興趣選港姐﹖她笑說：「唔會喇，依家自己都做緊生意。」
