藝人袁偉豪今日以客席評判身份出席一個設計比賽活動。早前他一家三口拍溫馨照，赤裸上身騷結實肌肉，笑言當給自己留為紀念，自己一直好努力去健身keep fit，問現在是否已打回原形？他自信說：「打回原形都仲OK嘅！嗰時身形肥啲，因為要食好多嘢。」
提到他與譚俊彥（Shaun）有計劃開拍電影，他表示與Shaun識於微時，相識超過20年，「我哋好啱傾，又對音樂有研究，對中佬追夢題材有興趣，一齊度緊劇本，已有初步構思，需要搵吓投資者先。（之前見許濤有冇提出過？）嗰日唔係咁方便講，呢啲私人項目，想保留番唔想穿橋，畀人抄。」他覺得中佬危機是人生階段，每人行的路各有不同，問會否兼任導演？他表示導演不敢當，但有意嘗試做監製，因為覺得自己適合打雜做萬能員工。
