童星出身的唐寧（本名江麗娜）7年前與舞台劇才子鄧偉傑離婚後，獨力照顧一對子女，2022年更移居紐西蘭，轉型做KOL的唐寧不時分享於當地的生活點滴！
日前唐寧分享於海邊拍攝的照片，染了紫色短髮的她回眸一笑，十足「男友視角」，加上她寫道：「I’m in love with this place」，唔講仲以為佢覓得「第二春」。
另外網民大讚唐寧依然童顏：「繼上次一笑傾城之後，唐寧回眸顛倒眾生」、「望真d你，你好似又年青咗」以及「個細路女邊個嚟」！
唐寧能夠保持童顏，或許是跟她保持運動有關，日前她於IG透露剛跑完7K，享受慢跑樂趣的她寫道：「其實點解要快呢？我跑步係為咩呢？我同朋友講，其實我而家嘅目標只係要自己持續地做到「持續地向前移動」，咁我急咩呢？又唔係有隻暴龍喺後邊追住我！亦唔係諗住參加奧運！」
此外，唐寧接受某KOL訪問獲讚皮膚好，原來現今的她不做Facial，亦不介意身型變胖：「福氣嚟架，同埋我唔會理。」
說到當年做童星的生活，唐寧說：「如果有得揀，不會花咁多時間做童星，因為少咗正常嘅童年生活。我嘅生活知識都比較貧乏，到依家嚟呢度生活，多咗自己煮嘢食，先知道以前咁多年做嘅野都係假，嚟到呢度好似一個起點，學習生活上嘅嘢以及對世界嘅認知，呢兩年好似一個BB咁出生。」
