ViuTV男團ERROR成員郭嘉駿（193）早年曾批評曾志偉及TVB節目，事隔多年後又在節目中爆喊重提這件事，並指自己當時好輕佻無禮。其實193曾自爆有投考過TVB藝訓班但失敗，又試過硬闖電視城被拒，最近卻因為駕駛其法拉利倒車時撞跌一名女途人而成為熱話，昨日（20日）更首次登上由區永權與洪永城主持的TVB新節目《瞬間直擊半小時》。
早在預告中已見到節目會講述193撞跌途人一事，而在昨日一集節目首條片，洪永城在介紹短片時說：「一定係網絡瘋傳啦，同埋同數字有關嘅。」之後區永權旁述片段時，亦表示司機是「高大嘅司機」，最後在二人綜合事件時，區永權才說出洪永城說與數字有關其實是引言，並表示撞跌途人的司機正是「藝人193」：「點解你剛才所講，呢條片同數字有關呢。因為片中涉事嘅司機正正就係藝人193郭嘉駿，呢條片喺尋日同今日都係依然瘋傳。」相信為自參加ViuTV選秀節目《全民造星》出道以來，193首次被TVB提及。
除了播放影片外，主持亦有手持iPad讀出193於限時動態的聲名：「事發日期係18號嘅下晝5點鐘左右，到咗尋晚嘅9點左右呢，193就喺佢自己社交平台交代成件事。佢話當時見到個婆婆跌低，已經即刻落車向佢道歉同埋問咗婆婆有冇受傷，需唔需要報警啊，需唔需要送院啊，佢話唔需要，193先上車離開嘅。事後佢已經向咗警方備案會盡力配合調查，承諾以後開車會加倍小心路面嘅情況同埋安全。」
區永權避重就輕地指網民有疑問「如果撞親人係唔係應該即時報警」？他隨即引用法例解釋：「如果發生交通意外有冇受傷都好啦，司機必須要第一時間立即停車，此外就係要喺24小時之內，親自報警應要求同警方或者涉事方提交個人資料，否則最高係會罰款2萬5千蚊同埋監禁6個月。」193昨日（20日）於IG表示，事後已到警署備案，但據警方回應傳媒時透露，該宗意外發生時間為8月18日約下午5時半，直至19日晚上8時許才收到相關報案，亦即是193距離意外發生後約27小時才到警署報案。
193經常大晒靚車
34歲的193在2021年10月考獲車牌，經常大晒靚車，無論拍照或新歌MV，都常以車作為主題，未知是否受事件影響，原本193獲邀今天（21日）與歌手歸綽嶢（Nancy）到中環出席服裝品牌活動，不過主辦單位發電郵通知活動取消。
