近日保錡與菊梓喬的疑似秘戀成為網絡熱話。不少網民對這段戀情唔太睇好，甚至在社交平台上對保錡展開言語攻擊。昨晚，保錡爆seed與網民隔空罵戰，引發了廣泛的關注和討論。
在這場網上爭論中，一名網民直接留言質疑：「咁你到底食咗Hana未先？」保錡則巧妙地回應：「請支持Error新歌！無敵聖衣」。在這場交流中，保錡的朋友也加入了對話，力挺保錡，留言道：「關你叉事咩，使唔使同你報告呀！」保錡進一步解釋：「佢真係假acc嚟，係好奇點解咁緊張姐！睇吓會唔會對佢生活有咩影響。」並直接回應該網民：「大家咁話啦！真假要同你交代？」
此外，有網民將保錡與知名歌手菊梓喬的前緋聞男友吳卓羲進行比較，批評保錡在外貌、星味、成就及名氣上均不及吳卓羲，直指「襯唔起菊梓喬」。對此，保錡回應：「佢靚唔靚仔關我咩事呀！」另一方面，網民更拿他的演藝成就來討論：「歌影視樣無瓣掂，靠跑步洗底？」「上次X小薯茄拍片扮嗰3個小學生，話人取笑唔啱又剩，好X正義咁，你XX轉頭自己就扮周柏豪rap黎笑，有口話人冇口話自己」「呢件核突佬跑下步就變左聖人咁」
文章版權為新傳媒集團所擁有，原文請按： 网页链接
