丁子朗（Karl）除了是一位演員、主持人、歌手外，他更是一名藝術家，日前（9日）丁子朗首個個人作品展“Who are you?”於上環一個畫廊舉行。丁子朗過往曾兩度攜同作品登上藝術展，他透過畫畫尋回內在的那個隱藏已久的自己，亦把他鏡頭後鮮為人知的另一面呈現在人前，讓大家一睹他的內心世界。
丁子朗今次是首次舉辦個人畫展，對於身份的轉變，他覺得對他來說意義很重大：「我覺得我自己一直都係一個藝術家嚟！」而今次他的個人畫展主題是“Who are you?”他表示很適合，因為有兩個意思：「第一個係『你邊位啊？』Who are you，第二個就係你真係邊個？你係邊個人嚟？」丁子朗解釋畫展主題意思：「好多人都會覺得你係一個叫做畀人認識嘅演員啦、主持或者唱歌跳舞，咁做咩無啦啦畫畫呢？」更指有人會覺得他畫畫是「just for the show」，讓人拍照而已，畫畫對於他來說不是一場「show」，而是想把自己的「藝術倉庫」擴大。
丁子朗想透過舉辦畫展讓大家知道他很認真做這件事，提到舉辦今次的畫展是想有人知道他的心路歷程：「今次我想擺出嚟畀大家睇我作為一個畫畫嘅人心路歷程同成長過程，所以呢個係我一直以來都做緊嘅事情！」而第二個「Who are you」的意思是個人的定位，他續說：「好多時候我哋都問自己你係一個咩嘢嘅人？我係一個仔啦，對於我父母嚟講我係一個小朋友啦，對於都有好多唔同嘅lable。但係你點樣標籤你自己呢，呢個好緊要！」丁子朗透露他是從畫畫中找到自己：「原來我係一個點樣嘅人，我鍾意做啲乜嘢，咁所以你要知道自己係啲咩人，你先至可以追求到你要嘅嘢，我好開心我透過畫畫係做得到。」
原來丁子朗是從小就開始畫畫，他很高興父母有這個「容量」讓他去做這件事：「你知依家有好多父母都係希望自己嘅小朋友喺學業上有個成績啦！」又表示現今的父母不希望課外活動佔據小朋友太多的時間，而自己的父母就讓他從小培養這個興趣。而最啟發他畫畫的是小學老師：「佢亦都係一個影響我好深嘅油畫老師，咁就一直嘅畫作其實都傳承到佢啲嘢，希望有佢嘅一半啦！」
在畫風方面丁子朗表示是有轉變的，畫風是根據心情而作出變化：「幾年前嘅畫風係比較幼嫩啲嘅的確係，咁但係依家我覺得唔關畫風事，畫風係一個skill，但係會令到我幅畫背後嘅意義係諗多咗好多嘢！因為可能人生經歷多咗事情之後，就想有更多嘅思想擺落幅畫度。」他立即指著一幅數年前畫的畫，而這幅畫作他想表達的是「父母」，其實他不止一幅畫作與父母有關，另一幅也是與父母有關。
丁子朗說到在畫畫時什麼心情都會出現，但畫作會隨著他的心情而起變化：「我有一排真係唔開心的話，我會畫啲畫係唔知點解我控制唔到會暗啲㗎喎！可能感覺上係sad啲，一排可能開心啲嘅時候，我啲畫望落去又真係colorful少少㗎喎！」他被問到哪一幅畫作是在心情差的時候完成，他指著一幅椅子下面有一隻小熊的畫，表示這個是在心情差的時候畫，他解釋當時因為看了一則新聞：「有一個家長佢迫自己小朋友一至日都要讀書，但個成績係好好嘅，所以就上咗新聞啦！其實個小朋友都幾慘，由細到大都呢個自主權去選擇自己究竟係唔係真係鍾意呢樣嘢，接受到嘅教育竟係我要讀書，讀書叻就代表有好出路，係一個好嘅小朋友。」更指小朋友可能不知道其他方面出色同樣也是「好嘅小朋友」，於是他就反思這個情況會不會就是現今社會裡典型父母的寫照。
