42歲「TVB最索人妻」陳自瑤（Yoyo）與老公王浩信育有一女，二人卻屢傳婚變，近年已鮮有同框。陳自瑤自積極經營內地社交網及直播帶貨，在內地知名度大增。陳自瑤最近在佛山忙於為新劇《刑偵12》拍攝，不少當地居民得悉有港星出現，將外景地逼得水洩不通，但陳自瑤日前收工時，因面對粉絲的態度，引起網民反應兩極討論。
近日在內地開工雖然不時落雨，卻無阻當地粉絲睇拍戲的熱情度。日前有網民在小紅書分享捕獲陳自瑤收工時的情況，片中見到陳自瑤準備離開時，打開門步出即被重重包圍，陳自瑤一度露出驚訝表情。由於現場人數眾多，劇組為保護藝人亦不敢掉以輕心，安排至少四名大漢為陳自瑤開路，看起來排場甚勁。
陳自瑤被粉絲熱情包圍
在大批粉絲的熱情索取簽名下，陳自瑤表現出友善一面，一度停步簽名滿足要求，又與眾人影大合照，非常識做。不過影片中拍到有小男生問陳自瑤：「姐姐可唔可以同你影張相呀？」雖然站在陳自瑤旁邊，但她只是望一望對方，未有作出回應，小男生不禁露出失望之情。
陳自瑤態度受到質疑
因為過程被拍下，引起網民關注，質疑陳自瑤態度：「小朋友那麼有禮貌，回答一句有多難？用不著裝看不到、真大牌！」有粉絲則為陳自瑤辯解：「因為另一邊有人遞支筆過嚟要簽名，佢兼顧唔到注意力被吸引走咗，加上佢唔可以合影所以就忽略咗，好正常，明星放工冇任何義務要理任何人，比起好多內地明星佢已經好nice啦，做人唔好咁mean得不得。」
