「聲夢小花」詹天文（Windy）早在今年4月宣佈獲得國際知名的音樂學府Berklee College of Music取錄，其後更向Windy派發獎學金，大家都非常關心Windy會否到海外升學。不過Windy日前接受TVB訪問時，就自爆將會捨棄伯克利，而選擇到廣州升學，而且是因為兩大重要原因！
詹天文日前出席活動後在接受訪問期間，大爆自己將會放棄到國際知名的音樂學府Berklee College of Music讀書，而選擇入讀內地廣州星海音樂學院。對於為何不留港升學一事，Windy解釋指：「其實好開心有好多香港嘅大學都取錄咗，Berklee都取錄咗，但我都已經留咗喺香港18年，我都想見識吓其他城市，想感受吓其他文化，所以無選擇留港選擇。」
至於為何選擇捨棄伯克利一事，Windy就指有兩大原因：「我知道Berklee係一間好好嘅Jazz學校，好好嘅留學學校，但係我自己覺得我有好多唔同嘅方面覺得我未準備好，第一就係我覺得我個胃未準備好，因為我唔中意食西餐，同埋覺得我成個人都未準備好去接受一個完全新嘅環境。」Windy又指自己比較想學流行音樂，所以選擇到星海升學。
對於Windy選擇到星海升學一事，一般網民都認為太過可惜，覺得Windy大可以先到Berklee升學，其後在到星海留學「有Berklee都唔去？有冇搞錯？」「跟住應該係鋪路上中國好聲音」「星海唔差喎，應該想食中國水，畢竟喺中國半紅不黑已經賺到十世錢」「主要是工作吧 ，飛海外難接job」 不過Windy的粉絲們就一致支持偶像決定，更大讚偶像識諗：「又可以做住香港的節目，又可以做周筆暢的師妹，加上廣州都好多機會，放心，起碼keep住人氣。」「像歐陽娜娜去到伯克利都感受到水平差，裏頭的學生都是高手雲集，在心理，生理甚至技術，乃至尚未完全開竅水平還未能完全準備的話，那的確會是一場大考驗」「內地好多當紅歌手都是星海畢業」等。
文章版權為新傳媒集團所擁有，原文請按： 网页链接
