婚後誕下4名兒子，張致恒（Steven）與太太區燕雯（雯雯）一直財困，欠債欠租新聞從未停過，曾被停電逼遷甚至小朋友無奶粉。近日Steven考獲平安卡，並真的到地盤打工，35度高溫都努力工作，更罕有公開道歉承諾會還錢。
STEVEN近日做職安真漢子，連日來都有到地盤開工，7月29日早上他在IG發限時動態，放上身穿地盤服自拍並留言：「我知道我仲爭好多朋友錢，但係我都只係啱啱先開始返咗一個星期地盤，畀啲時間我啦好冇，我只係白紙一張啱啱入行，我嘅薪水都只不過係啱啱夠屋企嘅開支，當我搵定（穩定）啲嘅時候就會開始還畀你哋㗎喇，對唔住呀爭你哋咁耐！」
