現年40歲的黃心妙向來作風大膽，在社交平台亦比細妹黃心穎表現得更活躍，仲會經常大派泳裝福利。日前黃心妙就同老公帶住3個仔女齊齊去泰國旅行，心情大靚嘅黃心妙都連環派咗唔少福利，不過當中就有唔少引起網民熱議，更紛紛認為黃心妙的做法似乎唔太好……
黃心妙日前在社交平台喪派泳裝福利，雖然佢曼妙嘅身材引來唔少網民激讚，不過性感爆燈嘅泳裝照都唔及大仔從後咬黃心妙耳仔嘅照片搶fo，更令網民留言表示不妥：「我仲以為係佢老公」、「仔仔開始大，仲有啲太親暱嘅動作好似唔太好喎」、「呢個動作好似有啲……」、「我到底睇咗睇咩？」、「上次叫個仔幫手影性感相已經唔好啦」
雖然唔少網民都認為黃心妙同大仔的合照唔太妥，不過就似乎冇影響佢大膽嘅作風。皆因黃心妙隨後就再派出更大尺度福利，在其老公的限時動態中更被曬出疑似全裸趴喺床出鏡的照片，相中佢只以被單冚住臀部，意識相當大膽，亦令唔少網民都留言表示黃心妙老公「真係好慷慨」！
現年40歲的黃心穎二家姐黃心妙身材一向火辣，而且亦經常在社交平台大曬性感照，曼妙的身材收穫不少網民的稱讚。而黃心妙最近上載在社交平台的性感照卻一反常態，被網民狠批用錯攝影師！
黃心妙自2009年嫁給澳門商人後，二人育有3子女，家庭十分美滿。而作為3孩之母的黃心妙保養得宜，無論是身材還是樣貌都完全看不出已經40歲！在黃心妙最近分享的照片中，她身穿低胸露腰上衣，大方展示豐滿的上圍和線條有致的腹肌，再配以貼身黑色超短褲出鏡大騷長腿，火辣程度滿分！
文章版權為新傳媒集團所擁有，原文請按： 网页链接
