在最新幾集的《反黑英雄》中，由新晉演員曾文心飾演的女學生「陳樂怡」戲份愈來愈多，其討論度亦愈來愈高，不但其樣貌和演技引起網民熱議，連她在劇中一套紫色Total Look的打扮，都成為了網民討論的焦點！
在《反黑英雄》中因非法販毒而日漸富貴的陳樂怡，除染了一頭紫髮外，連衣著打扮也以紫色Tone為主，不但顏色搶眼仲有露腰的造型，隱約能見到曾文心的馬甲線，令不少網民錯重點，將焦點由劇情轉移到曾文心的裝扮上，更有網民將她這身紫色Total Look分享在顏色關注群組中，大加讚賞。
有社交網專頁以「呢個妹妹做得幾好喎」為題，貼出曾文心的喊戲劇照，引來兩方網民爭議，有網民認同並大讚曾文心演技夠自然：「越演越好」、「雖然外表唔算靚，但演技幾自然」、「坦白嚟講點睇都年紀大咗d，但演出都做得幾好！」、「做得好，夠自然」等。
不過有網民就質疑曾文心做戲太作狀，把聲亦太嘈：「把聲嘈過蔡思貝！作狀！唔識做戲」、「平時一兩句還可以，今集對白多了，怪怪的」、「把聲及演技都好作狀」、「胡杏兒絕技…囧？」、「講對白超唔掂勁生硬，好做作」、「無演技，無聲線，無樣貌，角色又差劣，無綫搞乜？」
此外有不少網民指現年27歲的曾文心貌似Gigi炎明熹，只係較炎明熹年老及醜樣，但亦有網民指她撞樣其他多位女星：「有當年楊羚的影子」、「我覺得她有舒淇的影子」、「第一眼看似蔣家旻！」
文章版權為新傳媒集團所擁有，原文請按： 网页链接
