陳展鵬2017年撻著老婆單文柔，令當時和他盛傳拍拖的胡定欣被指癡心錯付傷透心，陳展鵬亦被指借胡定欣搏宣傳，兩人自此未曾合作過，近日兩人於TVB在上海舉行的發布會上被發現同台現身，不過原來兩人近月來已非第一次同台，上次更被指係世紀破冰！
胡定欣和陳展鵬日前在上海《Hello Hong Kong 你好TVB》發布會上同台現身，被指係世紀同框，台上胡定欣神情嚴肅，但都有和陳展鵬交流，不過到台下二人分開坐時，表情就輕鬆得多。
當日陳展鵬與胡定欣、高海寧及張振朗同台宣傳TVB藝員訓練班，陳展鵬表示：「之前有記者問我，你讀完書之後就喺TVB，到而家都仲係TVB，你嘅感受係點？我嘅演藝生涯差唔多有超過40個角色，所以我覺得我蠻期待同幸運。」
但原來胡定欣和陳展鵬近月來並非第一次同台，早在今年3月由薛家燕帶隊到馬來西亞登台時，二人已破冰拖手12秒，合唱了一小段《城寨英雄》片尾曲《從未知道你最好》，是二人相隔7年再世紀同框，粉絲都大讚回憶返晒嚟！
文章版權為新傳媒集團所擁有，原文請按： 网页链接
