前J2節目《不正常愛情研究所》主持文頌男（Koba）去年確診罕見癌症尤文氏肉瘤後，停工專心養病，零收入的文頌男曾發起眾籌醫藥費。然而近日情況惡化，昨日（13/7）文頌男IG貼出長文，宣布文頌男離世，終年僅29歲。
文頌男預先撰寫遺言
文頌男生前預先撰寫遺言，昨日（13/7）晚上10時公布離世消息：「好抱歉，喺呢度要同大家講一啲好沉重嘅事。當大家睇到呢一篇文章嘅時候，我已經離開咗人世。呢幾個星期以嚟，我一直努力接受自己身體上嘅變化。呢段時間，我選擇咗唔對外透露自己嘅病情，亦冇同任何傳媒交代，因為我未有勇氣去接受呢啲變化。」
文頌男父親為菲律賓情婦拋妻棄子
文頌男逝世前3個月接受傳媒訪問時，曾提及家人即難掩情緒，數度落下男兒淚。談到成長路上歷盡坎坷，12歲時父親為菲律賓情婦拋妻棄子，更留下大筆債務，文媽媽惟有密密做獨力養大一對子女，終於捱到囝囝取得藝術管理及藝術教育雙學士資格。文頌男畢業後還加入夢想行業，惜不久再次遇上人生重大難關，就是病魔來襲。
年過60的文媽媽為方便照顧病兒，索性辭去日間工作，晚上8時至清晨6時則做清潔工幫補家計，文頌男嘆道：「我冇工作仲要佢照顧我，自己都好愧疚。」昔日覺得一切都是理所當然，一場大病令文頌男頓覺，家人和朋友無私付出的可貴，亦真正領悟到「活在當下」。他由從前不敢表達愛意，到現在逐漸放低「包袱」擁抱身邊人，說罷他忍不住淚流如下：「有時見阿媽幫我做啲嘢，我會同佢講『媽咪，我好愛你』，以前好少表達呢樣嘢，可能我驚自己時間唔係好多，就算朋友，以前好多嘢都覺得好尷尬唔應該講，而家諗到想講咩就講咩，其實你愛佢咪講出嚟囉。」
