陳山聰、袁偉豪（Ben）、朱晨麗今日（21日）在將軍澳電視城出席無綫新劇《反黑英雄》記者會。陳山聰與朱晨麗戲中聯手追捕大奸角袁偉豪，打到飛起。Ben指劇集要呈現港式暴力美學，當中有不少毆鬥、飛車場面，自己最深刻的一場戲是在尖東遭人追殺跳海逃生，他說：「嗰日好凍，只係得5度，拍完跳海戲第二日都病咗發燒。」有畏高的山聰在戲中要由2樓瀡落帆布落街追捕，他說：「本身有畏高，雖然只係兩、三樓高，仲有威吔但係都驚，為咗一個鏡頭過拍攝，所以都同導演講想親身上陣。」他指拍攝時有帶囝囝來探班，囝囝也覺得他造型有型。Ben指雖然在戲中做奸角，但兒子長大後也全讓他看：「反而情慾戲就唔會畀佢睇喇，哈哈。」
朱晨麗戲中有幕要孭住一個大隻佬，過膊摔底對方，相當硬淨，但笑言動作戲除了打人，也要捱打、遭電線勒頸、被打到撞埋墻，她說：「好爽，打人就打得多，今次第一次畀人打，Feel到畀人打都要講技術，要識得卸力，唔係會內傷，自己都幾Enjoy畀人打，哈哈。」
