41歲台灣女星陳妍希2011年出演《那些年，我們一起追的女孩》爆紅，隨後於2016年與內地男演員陳曉拉埋天窗，並於同年誕下兒子「小星星」。婚後2人間唔中都會高調放閃，不過近年就屢次傳出婚姻關係破裂，雖然雙方並未回應，但係仍然惹來外界唔少嘅猜測。今日（19日）內地媒體再次報導2人的婚姻已經破裂，而且陳曉現時非常想離婚，更有爆料者甚至喺直播中進行詳細說明……
陳妍希最近主演嘅內地劇集《但願人長久》播出後，遭到網民激烈批評，更狠批陳妍希好似「豬頭肉一樣的女主」，負面評價接連不斷。今日再爆出婚姻破裂傳聞，可謂係是非不斷。爆料者喺直播中透露，陳曉於2023年底向陳妍希提出離婚，更表示願意「淨身出戶」，不過就並未透露離婚的具體原因。但係提出離婚後，爆料者指陳曉就冇再返屋企，甚至連電話號碼都換咗兼block埋陳妍希，而對方只能透過工作人員同陳曉聯繫。
爆料者喺直播中更表示，在過去的半年中，當陳妍希照顧孩子時，陳曉並未出現。目前陳曉正在劇組工作，而陳妍希亦都冇再去探班。有眼利嘅網民發現，陳妍希同陳曉喺社交平台上互相del走晒對方嘅post，令婚變傳聞愈演愈烈。雖然陳妍希同陳曉婚變一事喺內地傳到沸沸揚揚，不過2人目前都「潛水」未有回應，因此婚姻破裂嘅傳聞仍然有待確認。
文章版權為新傳媒集團所擁有，原文請按： 网页链接
