「細龍生」鄭世豪上月底正式宣布離巢TVB，早前鄭世豪在IG連環出post，疑似暗諷「大小姐」林淑敏口疏。今日（15日）鄭世豪在IG發文指，IG賬號遭騙徒盜用，冒充其身份向友人借錢，更有朋友誤墮騙局，今日鄭世豪即發文正視聽。
郑世豪今早在IG發文表示：「今日一瞓醒十億萬個電話留言，話我知我的IG被hack（入侵）了……當刻我又趕住變身去做嘢，這唯有盡最快的能力先通知各位，搞完一輪現最終攞回IG了，但亦有朋友被欺騙過咗數給騙徒，唉，對不起！」鄭世豪最後強調：「每天每時每刻，我發現有好多我的假帳戶會出現，冒認真係我本人去欺騙各位，大家緊記小心！」
不少網民亦留言指收到詐騙訊息：「我們看得出唔係你平時講嘢語氣，所以沒有理會」、「已經好多次，我唔會上當」、「我有個朋友都被hack，不過我冇上當。」而喬寶寶更搞笑留言，「你話俾哥哥聽邊個hack你？我搵我啲鄉里幫佢裝」。
另外，《東張西望》女神之一的何沛珈亦有收到騙徒的訊息，她在IG的限時動態貼出與騙徒的對話，「大家小心，一個鐘頭內已經有兩個朋友IG俾人哋Hack咗。」對話的內容中，對方先問何沛珈「而家忙緊？」然後向她借5,000元，聲稱明天會過數還給她。
曾文心同樣收到騙徒的訊息，她亦有在IG的限時動態截圖分享，內容的開場白同樣是「喺度做緊咩」，接著騙徒就說：「我出佐（咗）啲事急需1萬蚊你方便借我先？」曾文心問對方是誰，騙徒竟答：「係你老豆」，明知對方是騙徒的曾文心，亦禮貌回覆對方，表示：「我老豆走咗好多年了…你…」，事後何沛珈和曾文心亦向傳媒表示現在騙案很多，真的讓人防不勝防，奉勸大家確認對方身分才好幫人。
