現年55歲的郭少芸1992年參選港姐加入TVB，拍過《真情》、《大鬧廣昌隆》、《同事三分親》等多部經典電視劇。近年郭少芸北上發展定居內地，帶貨直播、拍片賺流量，最近郭少芸返港探望家人，今日（9日）在IG分享與九旬媽咪的對話，網民大讚精靈又醒目！
近年在內地發展的郭少芸近日悄悄返港，上周還在IG分享與港珠澳大橋口岸過關的相片，大讚：「返屋企，好方便。」之後郭少芸又去欣賞最近大熱的《九龍城寨之圍城》，還大讚：「好好睇呀。」今日（9日）郭少芸分享與九旬媽咪及家姐在茶餐廳齊齊歎紅豆冰的照片，見郭媽媽雖然已經年過90，但依然精神奕奕，開心舉V影相，郭少芸還分享與媽咪的一段精靈對話。
郭少芸與媽咪歎紅豆冰
郭少芸留言提到今次返港想跟媽媽來躺短期旅行，而因為媽媽曾提過想返鄉下，於是郭少芸問媽咪想返鄉下，還是去澳門玩。郭媽媽則表示：「返鄉下啦，幾十年未去過。」郭少芸反問媽咪幾十年未去過，是否為認得路，郭媽媽回說：「我唔認得，你認得咪得囉。」郭少芸反駁謂：「媽咪，細個我同你返鄉下嗰陣，我得幾歲咋喎，梗係唔認得啦。」郭媽媽竟然說：「咁你唔認得，家姐認得咪得囉。」令郭少芸感到相當無語。
隨後郭少芸又問媽媽是否想過夜，已經年過90的郭媽媽表示：「唔使，早上去，夜晚返咪得囉。」郭少芸覺得會好趕，媽媽笑說：「而家朝頭早5:00就天光㗎啦。」郭少芸驚訝媽咪想由清晨5時玩到夜晚時，九旬郭媽媽竟表示：「又唔係日日咁玩，攰咩啫。」於是兩人達成協議，不過五分鐘後，郭媽媽又問郭少芸：「其實我哋係咪可以回程嗰陣經澳門㗎？」原來又想返鄉下，又想去澳門玩。郭少芸也不禁笑說：「哈哈，其實佢真係好精靈，九十幾歲，好嘢👍🏿」。
網民留言希望郭少芸好好珍惜與媽咪相處的時光外，也留言大讚郭媽媽：「郭老太真是醒目，好叻。」、「精靈又可愛」、「唔似九十幾歲，好精靈。」
