28歲周嘉洛憑《愛．回家之開心速遞》飾演「金城安」一角入屋，近年連獲兩獎後更備受力捧，經常被調離劇組擔任正劇男主角。周嘉洛正趕拍新劇《武林》，劇中身手了得的他除接受動作訓練和學拳，近日在健身室出現，更晒出「粗壯」一面。
昨日（30日）周嘉洛在IG分享健身相，之前已常在劇中晒肌的他，舉起啞鈴時二頭肌青筋暴現，他在片中問道：「見唔見到30（kg）？見到吖嘛！」拍片者答：「完全見到」周嘉洛即回應：「OKOK，搞掂。」另一張側面照更有爆肌效果，老鼠仔變大一倍有多，胸肌也似逼爆背心，周嘉洛發文寫道：「人點解要操嘢？因為想啲嘢粗啲，短短一日，後面啲啞鈴比我粗到歪晒」，不少藝人和網民都被他的麒麟臂震撼，連緋聞女友陳瀅都大表驚訝，留言：「omg」，至於張振朗則搞笑指：「點解你而家個樣咁似劉華」。但仔細一看，卻發現原來周嘉洛用大腿借力之餘，另一張相更是P圖，慘被踢爆造假。
以往周嘉洛拍《愛‧回家》初期身形未算健碩，但後來越操越Fit，不時與「朱凌凌」吳偉豪等在劇中晒肌，周嘉洛的事業也越來越好，近年在擔正的劇集《痞子殿下》及《新四十二章》中都有脫衣晒肌戲份。不過，周嘉洛早前人生第一次患乙型流感而瘦了10磅，由以往的大面仔變得更瘦削，難怪會被指外貌有變。
