東張何伯及新何太的個案早前引起全城熱議，繼早前直播「濕吻」何伯，以及拒絕與林作合作一事後。日前何太「又發功」，在個人抖音的粉絲群組中爆seed揭何伯仔女的私隱，除咗狂呻何伯的仔女們「沒人品、沒人性」外，仲曝光大仔任職警察，而職務更「高級過處長」。何太又在群組中開腔回應成為網紅的感受，瞬間引起網民熱議……
何太日前在抖音的粉絲群組中與網民聊天，更「怨婦」上身怒斥何伯的仔女「沒人品、沒人性」，又表示何伯的仔女們從來冇供養過何伯，兼且「每一個仔女最多仲攞咗幾百萬」。不過何太就在言談間突然爆出大仔的的月薪，更稱他「何止係高級督察」及「高級過處長」，不過就表示：「我相信嘅大仔」、「佢嘅大仔都係懂法嘛，都係高級官員」，相信大仔並未參與在早前何伯仔女們在Facebook中發布的聲明一事。
群組中有不少網民都對何太與前夫的兒子十分關心，更有人留言追問何太仔仔的年齡，而何太對此就回覆得十分隱晦，只表示：「你唔使問得咁清楚啦。我亦都唔想答得咁清楚」、「我唔想佢曝光，我要保護佢」。何太更稱不願公開仔仔詳情是因為：「網路上有啲嘢好無情」，對於網民關心仔仔的身世只輕描淡寫地帶過。不過何太亦在群組中透露希望仔仔：「搵到錢」，又稱：「第日搵到大錢啊，邊只唔使住咩公屋啊，係咪啊？住大屋都得啦，最緊要要睇你經濟能力，買咪買唔買得起樓先啦！」對仔仔的將來寄予超大期望。
文章版權為新傳媒集團所擁有，原文請按： 网页链接
