張致恒與老婆雯雯近期連環捲入爭議，繼早前有疑似患癌網民指控雯雯有借冇還後，雯雯更頹爆暗示「想離開」。不過雯雯今日（20日），又突然再次po超負限時動態，不過今次就唔係呻睇唔開，而係連環追擊老公張致恒好食懶飛，仲爆seed表示「使唔使賣身養埋你？ 」……
日前有網民在港鐵偶遇張致恒，並影低po上網表示「第一次見到大明星，差點不認得錯過了」，引來大批網民極嫌棄留言：「救命！！我覺得佢身上一股噏臭味」、「隔住屏幕都覺得佢臭臭的」、「他會不會酸酸臭臭的」、「生生性性做返個好人還是不錯的感覺」
張致恒老婆雯雯今早更連環出story追擊張致恒，爆seed怒轟張致恒「每日只係識瞓食同痾」，又表示「就嚟冇屋住」，再次透露咗現時的困境。雯雯仲嬲爆鬧張致恒冇貢獻，咩事都靠老婆解決：「我使唔使賣身養埋你？」「到底你喺呢個世界生存為乜？」，更表示如果自己係佢就會「我係你做人仲有少少尊嚴就消失！」
張致恆（Steven）與太太區燕雯（雯雯）多次宣布要離婚和經濟困難，導致連連成為新聞焦點。早前，雯雯更自爆家中連環發生不幸事件，包括兒子入急症、愛犬患癌及自己持續肚痛，初步懷疑生腫瘤等等。最近，一名自稱患癌的網民在雯雯的社交平台上表示自己借了錢給她，但雯雯從來未還過錢。雯雯在留言中直接回覆後，今日突然頹爆呻「想離開」……
近日有網民在雯雯YouTube頻道最新影片下留言，指雯雯欠下自己萬六蚊，但雯雯一蚊都冇還過：「雯雯，我係Cat，你想點呀？比咗幾個月時間你，爭我嗰萬六蚊一蚊都收唔到，包多春魚都收唔到，之前免費送咁多嘢畀你哋，你哋咁對我？！你好快啲還錢，最多比你分兩期，分兩個月每次還$8000」。
文章版權為新傳媒集團所擁有，原文請按： 网页链接
