「學霸」馮盈盈近期變身馮老師在網上分享各種心得，近日在社交網分享對付拖字訣的方法，希望能幫助學生提升成績，她說：「研究顯示，有拖延症嘅學生較容易焦慮同無自信，影響學業成績，今日同大家分享四個改善方法。首先要設定合理目標。唔好一次過要求自己完成太大嘅目標，應該量力而為。要做一個大project，最好按自身能力分階段逐日將佢完成，咁樣可以減少焦慮同壓力。」
盈盈續說指：「第二係要設定時間限制，我哋提過製作To do list嘅重要性，而每項任務需要設定時間限制，做起嘢上嚟會更加有條理，方便拿捏時間。第三要避免分心，手機同社交媒體係分心嘅常見因素，溫習前應該關電視，同埋將手機收起，如果分心不妨諗返起自己嘅目標同夢想，拎起本書，繼續再嚟過。」
最後盈盈指要善用「五秒法則」：「萬事起頭難，開始執行做某件事嘅時候，可能會覺得焦慮緊張，呢個時候「五秒法則」可以幫到你，心入面倒數5、4、3、2、1，呢個倒數令大腦無時間拖延，令你立即行動。
