藝人方力申為無綫節目《玲玲友情報》任嘉賓，被任主持的堪輿學家麥玲玲形容他的男歡女愛模式，仍停留在古代︰「同佢講嗰個女仔幾好，你約佢出嚟食飯啦。佢都會拒絕，話驚人誤會。」小方直言目前為止，跟異性單獨約會食飯次數也不多於5次：「自少練習游水，細個拍拖唔敢太張揚，驚畀啲家長話，之後入行又要保護形象，一拍嗰個又拍咗咁鬼死多年，根本都冇時間約會其他女仔。同埋如果我唔夠鍾意一個人，係唔會開始，分手好煩、好辛苦。」小方不諱言非浪漫型個性來自家族遺傳，指從少到大都沒有見過父母手拖手出街︰「所以你從來冇見過我放閃、唔會影到張相我喺街拖住女朋友。」
藝人方力申為無綫節目《玲玲友情報》…
