由陳自瑤（YoYo）、賴慰玲（Winki）、黎諾懿及羅天宇主持的TVB綜藝節目《香港婚後事》於今晚（4月25日）起播出，首集嘉賓則是劇集男主角羅子溢。
黎諾懿在節目內單刀直入問子溢解構姊弟戀背後因由，子溢亦大方分享：「當時我覺得需要一個成熟嘅女人喺身邊，可以令自己成長得快啲，同埋搵到安全感。」
直認偶爾會與太太楊茜堯冷戰的子溢，還分享二人處理爭拗的手法就是「第一時間讓步」，稱：「我以前會拗，依家屋企所有濕碎嘢我係唔會理，總之你決定就啱架喇。」並笑言每次冷戰首先讓步的必定是自己。
同時，他爆太太楊茜堯的處理方法是「瞓醒先算」：「我太太一遇到問題，會話唔好講住，等瞓醒先（處理）。」子溢在節目中又分享了相當獨特的湊女心得，並謂希望女兒長大後能成為硬淨的人。
在《香港婚後事》節目內，5人討論得最熱熾的話題是「肉體出軌」VS「精神出軌」。當中，Yoyo一聽到諾懿題目即斬釘截鐵謂：「兩樣都唔得！」
諾懿即反駁：「諗吓咋喎。」Yoyo聞言即一臉認真向諾懿拋出兩條相當尖銳的情境題，分別為「如果你老婆同你一齊，佢不停諗緊第二個男人，你接唔接受到吖？」及「如果你老婆出完軌一次返番嚟你度，你接唔接受到？」即成功令諾懿陷入苦思，並坦言確有一個狀況難以接受。
之後，Yoyo似有感而發再追著諾懿問：「如果佢鍾意咗另一個，佢之後返番嚟屋企，但個心都係飄走咗，咁又得唔得？」
