無綫（TVB）處境喜劇《愛‧回家之開心速遞》，三妹「紅衫魚」蘇韻姿早前被傳得罪高層珍姐入雪櫃，近日終宣布離巢TVB，然而人走茶未凍，多位熊家人仍為蘇韻姿慶生搞生日派對，令蘇韻姿感動得當場落淚。蘇韻姿動容指：「雖然今年我感受到好多變化，但係熊家人嘅愛永遠都唔會變！」
蘇韻姿完了與熊家人的生日派對後，即火速約另一位近年離巢的前TVB小花朱智賢食飯。兩位靚女在夜景旁大啖紅酒及美食，蘇韻姿又獲朱智賢送上兩大個生日蛋糕，又攬住狗仔影相，相當盡慶。
蘇韻姿再感動發文指，自己過生日朱智賢比她更興奮，認真姊妹情深。朱智賢去年9月約滿離巢，曾因被踢爆與人夫黎振燁二人世界約會，遭勒令停工入雪櫃。後離開TVB轉型以自由身接Job，做KOL、接騷及做髮型模特，更考獲普拉提（Pilates）教練牌，不時更新社交網分享性感照，無公司捧依然有Noise，活得自由自在。
