無綫劇集《逆天奇案2》昨晚（22日）播出新個案「賊王逃獄案」，監製劉家豪找來相隔17年再亮相TVB劇集的張雷演出！張雷飾演賊王石少波，在刑期最後一個月時逃獄，Nic Sir（黃智賢飾）在阿Wing（林夏薇飾）協助下，發現少波藏身之處，但被少波成功逃脫。今晚一集將會揭露賊王少波逃獄真相，結局更是令人意想不到。
現年69歲的張雷在劇集《神鵰俠侶》飾演「金輪法王」而為人熟悉，對上一次亮相TVB劇集，原來已是17年前的《蕭十一郎》。問到為何今次願意參與《逆天2》，張雷說：「監製同編審打電話畀我同我講故仔，我覺得幾好玩，咁咪應承拍兩集囉！」問到有否戲癮？他笑言：「其實出面一直都拍緊嘢，網劇、電影都有參與，梗係有戲癮啦，最好TVB搵多啲我拍劇！」
武打演員出身的張雷，在劇中不但半裸舉啞鈴及做掌上壓，又拍攝街頭追逐的動作場面，雖然年近七旬，但對他來說手到拿來。張雷說：「呢個角色真係啱晒我，又要有啲年紀，又要有啲動作戲，又要有文戲。」他更分享保健之道：「平時唔使開工都會keep住做運動，多數喺黃昏時候做，會先跑幾公里做熱身，之後玩下啞鈴、掌上壓、sit up咁練下體能，有時亦會打沙包、打拳、打功夫咁，加加埋埋都差唔多2個鐘。食方面我都幾清淡，因為我食咗幾十年齋㗎喇。」
