由陳小春及陳國坤等主演的網劇《反黑》第一季嬴得不錯口碑，甫播畢已明言積極籌拍第二季，而相隔6年，監製宋本中於去年宣布第二季正式開鏡，更舉行盛大記者會公布此事，當時有指今次投資金額高達2億港元，拍攝期長達1年，更曾與羅拔迪尼路緊密接洽，希望對方參演一角。
而去年11月左右完成發布會後，對外公布正式投入拍攝的消息卻幾近零，羅拔迪尼路最終亦未有接拍，近日反而驚傳停拍的消息，一眾有份參演的包括謝天華、MC Jin、江嘉敏、陳瀅及陳山聰等逾百藝人，日日光着等開工，不知如何是好。據悉，去年爆出高達2億的投資額嚇窒不少「金主」，而有份參投資的邵氏當然抱觀望態度，最終只肯投資1,000萬，而製作團隊目前正積極尋找「新金主」，望能在4月尾開工。
對於《反2》被指停工，有份演出的張建聲表示：「電影圈市道差，連帶整個生產鏈連鎖效應，當演員是很被動的，我不想習慣但是一定要習慣，捱過了就會好。」他為再演劇中的經典角色「招積」，花了很多心機操肌，他無奈表示：「好多時為咗一個角色準備咗好耐，但要暫停就要等，不過唔緊要，練習了、學會了的東西都是自己的，終有一天會用得着，我自己可能之後先回內地拍劇先，等劇組準備好我再回來吧。」他還指有信心劇組好快可以解決問題：「應該可以搞得掂嘅，只係暫停一下，咁大製作，一定要經過意外，但起碼我對劇本有信心，各位請稍等一下吧。」
