現年29歲的江嘉敏前年與拍拖三年的電競公司高層Anthony分手後，感情生活撲朔迷離，日前白色情人節見到江嘉敏拎住紮花，又表示：「沒別的意思，就是想借著特殊日子說聲喜歡你。」疑感情已有著落。江嘉敏今日（21日）在社交網的限時動態出PO，自爆中指受傷，直言「痛到標眼水」。
江嘉敏今日在IG的限時動態上載一張貓貓相，並舉起中指，貓貓眼定定望住，江嘉敏的中指用繃帶包紮，她留言：「做乜鄙視我隻中指。痛咗成個星期，噚晚突然痛到標眼水，忍唔住去睇個醫生，醫生話韌帶撕裂，究竟做咗啲咩可以搞到隻中指撕裂。（最近除咗打八卦掌都冇乜用到隻手）」，原來江嘉敏的手指意外受傷。
早於睇醫生前，江嘉敏前日（19日）到烘焙店製作蛋糕，見到她整得有板有眼，製成品模樣普通，但落足心機，而且江嘉敏是為愛貓而製作。她寫道：「人食嘅蛋糕，我整得多都食得多，咁有邊度可以整到貓貓食嘅蛋糕啊？我BB下個月1歲仔生日喇！ #金莎蛋糕好好食 #望落好似幾易原來都唔易整」。不少網民非常羨慕貓貓，還留言想試江嘉敏的手藝。
