獲網民封為新一代「無綫咪神」的黃婧靈…

獲網民封為新一代「無綫咪神」的黃婧靈（波波），憑着驕人上圍，成功俘虜萬千少男的心！6年前，因主持《後生仔傾下偈》而備受關注的她，曾得到總經理曾志偉，在節目中以半開玩笑地點名表示欣賞，因此又被稱為「志偉愛將」。
雖然被指是高層寵兒，但波波完全不敢怠慢，反而更加努力，她坦言由於入行初期，既要發憤讀書，又要兼顧演藝工作，試過日睡4小時，日夜顛倒，苦不堪言，她憶述：「當時真係精神崩潰㗎！」然而，回望過去，這一切都是值得的，因為她非常自豪自己的學位，是好用心地讀回來的。
現年25歲的新一代「無綫咪神」黃婧靈（波波），19歲時，被《後生仔傾吓偈》的幕後人員，在社交網羅致參與該節目。當年，她因為在節目中發表大膽的言論及逼爆身材而備受關注，譬如：她曾自爆在家中不愛穿內衣，跟胞弟不時不關門洗澡，甚至會「攬住沖涼」，令主持都大感驚訝！
有一集討論女生對三圍及身材的看法時，主持人陳欣茵還即場為波波量度三圍，而陸浩明更公布她的三圍為32D、25、34，數字令網民為之驚嘆！波波就曾經透露，她的驕人身材遺傳自媽媽，而且很早便發育，嚇到黃媽媽要帶她去找醫生檢查，她哈哈大笑說：「有豐滿嘅上圍，更加需要做多啲運動去保持其他地方纖瘦，因為唔keep住減肥，就會真係成個波咁樣。為咗keep到一個靚嘅胸形，我經常做擴胸運動。其實，身體其他部分我都有做㗎，包括屁股。」
雖然波波年紀尚輕，但她已經對使錢非常之有概念，她坦言：「我係一個唔鍾意浪費時間去玩嘅人，玩又要使錢，又嘥時間。其實，我日常生活係會將減肥同慳錢融為一體，例如我會食少啲嘢，簡簡單單又一餐，重點要少啲食澱粉質；另外，我亦會經常行路去減肥，咁樣慳唔少㗎。我試過由西灣河行到去金鐘，只要有時間，我就會選擇行路唔搭車。」她笑指自己真的很傻，大熱天時也可以一行就行10個地鐵站的距離。
由於得到總經理曾志偉在節目中，以半開玩笑地點名表示欣賞，故波波亦被稱為「志偉愛將」，且指她有後台撐腰，所以不乏演出機會，但事實上有今日的成績，波波坦言得來不易：「我都想有後台撐啊！最辛苦嘅日子，就係我一邊讀書，一邊拍嘢，呢段日子足足捱咗四年，嗰陣每日只係瞓到4個鐘，每日都需要飲4杯咖啡嚟撐住自己。拍攝時，每次導演一叫cut機，我就立即匿埋溫書，讀書做嘢，做嘢再讀書，完全冇晒自己嘅時間。當時真係精神崩潰㗎！所以我個城大學位，真係得來不易。」
身材向來都是女星的焦點，早前波波與同樣身材驕人的高海寧同場，立即惹來網民比較。當提到師姐時，波波面頰立即變紅：「其實，我哋兩個根本都唔同路線；不過可以同師姐相提並論，真係好開心！高海寧係好多人心目中嘅完美女神，能夠做到佢嘅一半都已經好好。」不過，她卻直言不會以高海寧為目標：「如果要我搵一個人嚟視佢為目標，我會搵我偶像梁朝偉。」
波波曾經在節目上被網民問到：「點解成日要賣胸？」反應非常快的她，即時為自己平反：「都要有先賣到，同埋我想講好耐，我賣點係腦，出名係TVB『智慧波』。」EQ高、反應快，證明波大都可以有腦，難怪波波獲得曾志偉的青睞！