TVB人氣節目《中年好聲音2》將在星期日（24日）舉行總決賽，今年將有5男2女七強參賽，各位都實力非凡，大批觀眾都好期待。不過近日公布楊千嬅做總決賽終極評判，部份網民質疑其評判資格，仲話要罷睇添！
今次楊千嬅加盟擔任評審，不少網民都紛紛留言表示不滿，不僅質疑其歌唱實力和評審資格之外，更揚言要罷睇：「參賽者仲唱得好過佢」、「佢自己唱歌都未攪得掂」、「我以為佢係參賽者咋」、「搵個唱歌走音做評判」、「咁唔洗睇lu」、「本來都想睇總決賽嘅，有佢出場我哋罷睇」、「有說服力咩？」等。
除了楊千嬅的評審資格惹熱議之外，有網民更認為《中年好聲音2》的固定評審們都有個人偏愛，認為需要換走全部評審。網民在社交平台更開帖提出頂替楊千嬅的人選，樓主就認為陳潔靈、葉麗儀、杜麗莎三人都比楊千嬅更加有說服力，而其他網民就認為林敏聰、甄妮、趙增熹和陳慧琳等人頂替：
「個人覺得如果想谷收視, 第七位評審應該從1. 陳潔靈 2. 葉麗儀 3. 杜麗莎中選其一先至有說服力」、「一定係杜麗沙，佢教歌又掂，又真係懂唱歌」「林敏聰做好啲……咪話佢癈話多…佢都有認真個陣」、「如果有啲評判比分不合理, 佢分分鐘敢即場開聲質疑佢地」、「陳慧琳唱功好好多。可惜請唔到佢做評判」、「甄妮都好，佢好正氣，不畏權勢」等。
文章版權為新傳媒集團所擁有，原文請按： 网页链接
