王敏德（Michael）與太太馬詩慧（Janet）育有兩女一子，當中得佢細仔步父母後塵加入娛圈，日前佢post出幾張爆肌相，似乎係宣布自己簽咗經理人公司。
王敏德同馬詩慧兒子王躍穎（Kadin）於美國完成演藝課程後，就一直冇返港長居，早前宣布會做演員向荷里活發展，出道首部作品是微電影《Bloody Party》，Kadin在片中要應付大量動作戲，更有血流披面的鏡頭，挑戰度十足，遺傳了父親高大身形的他，拍打戲有板有眼，難怪Janet都曾盛讚兒子有演戲天分。
王躍穎身形盡得父母真傳，擁6呎身高及40吋胸肌，熱愛欖球、籃球及做Gym，非常大隻。不過佢外貌就冇遺傳到爸爸媽媽，一啲都唔似混血兒，反而有啲似葛民輝。唔少網民都熱烈討論呢位星二代：「樣貌完全沒有遺傳到爸爸。」、「外國市場比較容易接受他。」、「是外國人覺得好看的華人樣子。」
八十年代入行的王敏德，在多部電影中飾演外籍警官，因中法、荷蘭混血樣貌，以及高大身形讓觀眾留下深刻印象，佢同名模太太馬詩慧嘅兩個女兒王曼喜及王麗嘉，亦遺傳母親的修長身形，二人曾為品牌拍廣告及行時裝騷，又不時於社交平台派福利，大方分享性感相。
