無綫新節目《Mayanne小喇叭》首集以「身材好是現今的流量密碼」為主題，由麥美恩（Mayanne）和曾展望（GM）主持，並邀請了幾位身材火辣的嘉賓，包括堪輿學家麥玲玲、郭珮文（Juliana）和黃婧靈（波波），以及三位同樣擁有火辣身材的KOL Kamchi、雀仔和Amber，分享各自擁有傲人身材的苦煩惱，節目一開始就引起網民熱烈討論！
波波在節目中分享了自己的網名「波波」背後的故事，她透露這個名字是由網友命名，起初對此並不開心：「我有本名㗎嘛，點解要叫我波波呢？但用用吓呢個名又覺得幾好，叠字又易記！」波波更自揭因為驕人身材而引起的尷尬經歷： 「有一次拍劇開05，同Mayanne同一套劇，當時我笠頂帽落到去個鼻度。之後我去咗換衫，一出嚟就同個前輩打招呼，但佢冇理到我，我隔咗3秒之後岳高個頭，發現佢望緊我心口，佢話：『好彩認到你心口咋，如果唔係都唔認得你！』」
Mayanne好奇追問這位「前輩」到底是誰，波波說：「出名㗎！」說罷波波便對Mayanne做了個口型，Mayanne即心領神會笑謂：「嗰個連我都調戲呀，但都係劇情需要啫！」 而波波與麥美恩曾合作劇集《痞子殿下》，劇中有至少5位資深前輩男演員，到底是誰咁口花花 ？
1/ 吳岱融 （劇中飾演首振鎮鎮首裘勇）
2/ 曹永廉（劇中飾演二當家霍青山）
3/ 韋家雄（劇中飾演大薩三坊接班人榮嘯）
4/ 煒烈（劇中飾演大薩三坊老闆榮鬼不過第4集已死）
5/ 杜燕歌（劇中飾演皇帝流落首振鎮）
波波在《痞子殿下》中飾演「絕代八嬌」之一，其實群鶯之中仲有同樣出身自J2的陳欣茵，佢同波波在YouTuber年代已被指撞樣，企埋一齊被「前輩」撈亂，情有可原呀！
節目中，波波又被Mayanne追問與獎門人曾志偉之間的放電傳聞，波波的回應讓曾展望都驚訝得擰歪了臉，並說：「唔好亂咁嚟！」讓節目氣氛一度達到高潮。
文章版權為新傳媒集團所擁有，原文請按： 网页链接
