亞洲超星團決賽｜《亞洲超星團》9人限定男團Loong 9似乎出師不利！比賽黑幕愈爆愈多，有指其中一名香港代表文佐匡，被內地網友踢爆疑似有人為他造票，質疑賽果不公！
Loong 9成員包括按次序為︰奧利、李權哲、冼靖峰、江信熹、梁詩煜、白子奕、文佐匡、黃奕斌及陳梁。其中香港代表文佐匡入選較具爭議。唔少內地網友指出文佐匡比賽以來一直脾氣臭表現欠佳，「初舞台到三公都唔掂」、「文佐匡都入，真係自己唔尷尬尷尬嘅就係人哋」、「態度又串」、又指是靠家境關係同財力「有錢仔大曬咩」等等。
最令粉絲嬲爆嘅係，一向表現唔算突出嘅文佐匡，之前排名都徘徊10幾名，今次突然跳升至第7名，有人發現他疑似「買票」，被爆出「叻哥」為他買了50萬的星耀值，全靠「鈔能力」取勝。睇返票數，假設沒有「叻哥」50萬票，文佐匡會跌至第10位，即無法入團。
22歲皮膚白淨的文佐匡最近參加《亞洲超星團》以第7名身份成為LOONG9團員，自小熱愛跳舞，小時候便已經會跟隨米高積遜的歌去跳，後來他被媽媽送去韓國做練習生。而他早前被發現是韓團EXO前成員黃子韜（Tao）所創立的公司龍韜娛樂旗下藝人，他更指自己在唱歌、跳舞和說唱方面都獲得黃子韜的指點，感到獲益良多。
文章版權為新傳媒集團所擁有，原文請按： 网页链接
