視后李佳芯（Ali）近年被無綫掟入…

視后李佳芯（Ali）近年被無綫掟入「雪櫃」投閒置散，自2021年與馬德鐘合作劇集《有種好男人》後已絕迹劇壇，心灰意冷嘅佢仲放風指即將約滿，當大家以為佢可能隨時會離巢之際，「劇情」竟然峰迴路轉，近日佢正式「解凍」，夥拍視帝譚俊彥開拍喜劇《麻雀樂團》。
今日（9日）有份參與劇集拍攝嘅黃庭鋒，喺社交網大晒一眾演員開工前嘅合照，睇到劇集陣容強勁，除咗有李佳芯同譚俊彥外，仲有郭柏妍、謝東閔等，李佳芯笑容滿面，狀態十足，睇嚟已完全準備好投入角色， 不過到依家都未有佢續約嘅消息傳出，可能呢套劇係佢離巢前最後一套劇集，唔少網民都大感不捨呀！