去年年底，劉鑾雄（大劉）突然召開記者會闢謠時，一度被問到有否仍然追開TVB《愛·回家之開心速遞》，大劉當時表示時不時有睇，更提出劇中某位女藝人塊臉「硬膠」，惹來網民熱議，更將茅頭直指「素素」古佩玲、「Candy」葉蒨文和「三太」樊亦敏。日前，《愛回家》就以「誰是膠面人？」為題，抵死玩盡大劉的「膠面論」！
日前《愛·回家之開心速遞》的「誰是膠面人？」單元講述到富豪油王（古天祥飾）意外暈倒，在漆黑一片的新威龍廣場看見一位「膠面人」拯救了自己，大小姐（林淑敏飾）為了取得油王的生意，出錢出力務求找出這位「膠面人」。 經過一番調查，大小姐找出當日停電前曾走進女廁的六名女子，包括，熊若水（呂慧儀飾）、Ma姐（何芷珊飾）、Cammy（鍾晴飾）、群姐（許思敏飾）、Candy（葉蒨文飾）和素素（古佩玲飾）。一眾女士一開始不想成為自己塊面「又硬又膠」，但最後得悉大小姐出重籌搵「膠面人」時，大家都務求獲得獎金而出盡奇招變膠面，場面非常爆笑！
其中在現實中被指為大劉所提及的膠面人「最大嫌疑者」的古佩玲，在劇中為求成為膠面人而博到盡，將成包棉花塞緊口中，不過點塞都唔夠「硬」，最後都係被油王識穿唔係「膠面王」。
文章版權為新傳媒集團所擁有，原文請按： 网页链接
