影帝周潤發（發哥）平時熱愛跑步…

影帝周潤發（發哥）平時熱愛跑步，又愛食平民餐廳，大家喺街撞見佢時都係一身黑色跑步look，再加埋佢親民貼地，連自拍都係自己揸機，難怪個個都想偶遇佢。尋日（27日）有網民喺社交網分享喺中環一間食肆吃飯時偶遇發哥，仲成功合照到，網民留言：「中環吃飯 偶遇對面周潤發 要不要去合影呢 」相中見發哥同一名女友人開餐，一貫運動裝出巡食麵。博主就表示自己等待發哥用餐完畢先上前合照，未有打擾發哥。而發哥得知對方一直等佢之後，都Sweet爆開聲要求自拍：「 I’m sorry，讓你們等這麽久，來來來，你在中間我們一起拍照合影吧！」友善到極致，完全零架子嘅真正巨星。