樂壇天后王菲去年喺北京機場偕男友…

樂壇天后王菲去年喺北京機場偕男友謝霆鋒重演23年前「世紀一拖」，情比金堅，大家都知二人愛得低調又甜蜜，估唔到今年農曆年一過，佢哋又再次喺機場放閃！尋晚（26日）深夜，王菲同謝霆鋒由日本旅行返北京，兩人一同抵達北京機場，並坐膊頭貼膊頭咁坐擺渡車，王菲罕見不理在場人士目光，用手拍拍霆鋒手臂撒嬌，二人又靠近彼此傾密偈，畫面再次震撼全中國。期間有粉絲追住王菲攞簽名，天后親切爆燈，心情靚靚直接就幫佢簽，即被網友大讚熱戀中嘅女人真係特別甜，就連天后喺愛郎身邊，平時幾cool都即刻變小鳥依人 。