有「TVB御用阿媽」之稱的70歲盧宛茵（Madam Lo），日前與好友吳浣儀一齊接受幕後人楊紹鴻YouTube頻道的《小鴻吹水站》訪問。三人在節目談及到不少有關現實電視圈的秘聞，其中盧宛茵更大爆曾經有後輩串爆叫自己做戲，更怒插不少年輕演員都未紅先驕、冇大冇細。
盧宛茵和吳浣儀在訪問中提及到認為現時電視圈青黃不接，盧宛茵表示覺得以前有「戲劇大師」鍾景輝教做戲，自己亦因此獲益良多，但現在部分有份拍劇的藝人都不是演員出身：「而家唔係嘅，『好聲音』唱吓歌又話『得喇，出嚟拍啦』，賣吓廣告又話拍得！」 盧宛茵隨後更自爆曾遭後輩串爆教戲：「你已經乜都唔識一舊雲就走嚟做，佢仲要教人喎，哇！試過有人叫我『呢句對白應該咁樣講喎』，我望吓佢，我又唔答，我照我自己方法演繹！使乜理佢呀。」
此外，吳浣儀提及到一班年輕演員經常有大班工作人員陪出入，盧宛茵即刻附和道：「我哋嗰陣拍《季節》碧姐（鄧碧雲）咪都係一個人返嚟，唔通帶6、7個人啊？傻嘅。我出外景見到都作嘔啊，一個擔傘、一個遞茶、一個撥扇，哇大佬宜家乜事啊。我覺得此風不可長，我哋以前邊有咁。（發哥都唔會啦）咪就係！」
吳浣儀在訪問尾聲亦有為其他後輩演員講好說話，指自己在大台以外遇到的年輕演員都很有禮貌，不會黑面，亦非常願意學習。主持人楊紹鴻就分析指，認為大台以外的演員可能因為需要拼搏、沒有人「包庇」自己，所以會學識尊重前輩。盧宛茵聽畢即刻1句串爆指：「哦，明白明白。姐係『你理得我做得好唔好姐，我下一套又係豬腳（主角）」，獲網民大讚又型又夠霸氣。
文章版權為新傳媒集團所擁有，原文請按： 网页链接
