黎諾懿和賴慰玲（Winki）今日（22/2）現身將軍澳現視城出席無綫新劇《婚後事》宣傳造勢活動。二人首次合作便有大膽愛情動作戲，諾懿受訪時表示：「其開頭我都好擔心，因為本身我係一個慢熱嘅人，又唔鍾意講嘢，出名又怕醜，咁所以我都好擔心，但到我同佢拍咗兩三場戲之後，已經好有默契，而佢係畀到一種老婆嘅感覺畀我，令到我好快知道之後要做咩反應。」
Winki接著說：「好記得嗰陣時拍嘅時候，我哋係長時間困咗喺一間屋入面，基本上與世隔絕，同埋拍咗好多個階段，拍到係撕心裂肺。最恐怖到我淨係望住佢，我已經喊。到我哋差唔多拍完嘅時候，佢同我講好鍾意同我演戲，而我都同佢講我都好鍾意，你可以感覺到大家係百分百咁送畀大家。」
被問到會否給兒子小春雞睇？諾懿笑言：「囝囝就唔好啦，因為慰玲姨姨成日都上我屋企，咁就費事啦。（怕囝囝睇到誤會？）我會同佢解釋，Daddy同姐姐點解咁因為拍劇搵食啫，哈哈。等佢再大啲先畀佢睇。」Winki笑說：「我都係走先，哈哈！」
