前港姐朱千雪正佗住6個月BB，在社交網分享現時的心情既興奮、又緊張：「趁BB未出世前分享一下心情、近況，知道有BB嘅時候係好開心，預產期愈嚟愈近，開始要向身邊媽媽取經，聽啲媽媽講照顧好自己係好重要，要保持好心情，自己會整一啲Homemade smoothie，因為懷孕之後要戒晒汽水、咖啡、珍珠奶茶，呢啲都係我平時最鍾意飲嘅，所以係有啲唔慣，依家會自己整Homemade smoothie，好似藍苺、蘋果牛奶嚟飲。」她又指懷孕後皮膚容易乾燥、敏感，故會特別挑選適合孕婦的護膚品。
她又留言：「咁快就已經同我肚裡面嘅小情人合二為一6個幾月喇，最近我都開始向身邊嘅朋友同媽媽們取經。」其中「小情人」疑似漏口風透露佗龍仔。
