Twins一連14場的《TWINS SPIRIT SINCE 2001 LIVE IN HONG KONG》演唱會，在昨晚（6日）於紅館圓滿落幕。相隔8年再次在香港開演唱會，除了Twins十分興奮外，不少fans都同樣high到爆！而昨晚尾場的現場觀眾更唔願走，就算Twins2度上台encore都仍然群情洶湧！完show後接受訪問的2人都齊齊高呼超開心，仲大爆唔少今次演唱會的心路歷程！
蔡卓妍（阿Sa）在演唱會上感動表示：「22年後今日仲可以喺紅館開演唱會已經都係奇蹟，仲要14埸啊！」更自爆開show前曾質疑過自己：「其實一早確定咗話要開咁多場嘅時候，好多人都好擔心嘅，個個都覺得佢哋兩個掂唔掂架，搞到我都質疑自己。如果我哋再開會唔會再嚟支持先，講過要算數㗎。」 對於開足14場打破自身紀錄，阿Sa更透露：「會有巡迴，應該下半年嘅時候。」而阿嬌就表示今次演唱會聽翻好多side track，更大讚：「好多都好好聽」，而阿Sa亦表示：「好想有一個Side Track（演唱會）！」
鍾欣潼（阿嬌）早前因身體不適而宣布取消表演中打側手翻的部分，而昨晚2人在演唱《跅跅步哈姆太郎》時，更超驚喜即興大玩咀嘴，令全場fans十分興奮！而鍾欣潼在接受訪問時亦向各位報平安：「我好翻喇」，更透露自己前幾日需取消側手翻的原因：「我係冇力囉，嗰日食咗藥，感冒」不過2人對於巡迴演出時會否打側手翻就未有公布，只表示：「到時先算啦。」
文章版權為新傳媒集團所擁有，原文請按： 网页链接
