76歲汪明荃（Liza姐）今日（6日）在TVB電視城出席《龍舞雲祥年初一》錄影活動。談到新年將近，是否也按以往傳統邀請圈中好友到家拜年，Liza姐接受《香港01》 表示：「都會有㗎，年初一，好多徒弟同埋年青人都會嚟，準備咗好多食物去招呼佢哋。」
被問到MIRROR成員會否也會來家拜年，她笑說：「呢樣嘢我就唔知喎！佢哋靜靜雞就嚟咗，佢哋啱啱做完演唱會，佢哋得閒應該會嚟。」至於會否希望看到未到訪過家中拜年的MIRROR成員，她表示：「冇所謂啦，佢哋鍾意啦！無任歡迎。」
講到今年是否也有自製蘿蔔糕，她說：「今年呢我就同XO醬嘅朋友一齊合辦，今年佢嘅工場就會同我做嘅，變咗我今年唔使親自做。」至於會否希望接拍新劇「過戲癮」，她說：「暫時都未有，因為我今年比較忙，最緊要有好劇劇本，睇吓會唔會有好嘅劇本先。」她繼續指新年即將會同老公羅家英出埠去新加坡工作，以及忙着海外的演唱會等工作事項。
