自從TVB在《金宵大廈2》找來香港人演員飾演菲傭鬧出風波後，TVB劇組已經甚少創作菲傭角色，直至最近《飛常日誌》終於找來一位菲傭姐姐角色，有觀眾發現該演員外貎與黃心穎有9成相似，經過翻查資料，原來這位演員係無綫藝訓班罕見的外籍新晉學員！
《飛常日誌》第9集其中一個故事，講述一個菲傭Sofi因為與僱主的衝突，而滯留機場數天，高海寧和洪永城努力說服菲傭Sofi向警方求助。這位飾演菲傭的演員被觀眾發現「好似黃心穎」，事實上2012年出道以來，黃心穎屢被稱為撞樣菲傭，其面孔輪廓又真係幾似外藉傭工。
翻查片尾名單，其實這位飾演外傭Sofi的演員有個中文名字「黃詩雅」，真名叫Feurdean Lucia Maria，簡稱Lucii，是有羅馬尼亞血統的TVB藝員，據知是2022年的藝訓班學員，在社交平台上懂得寫中文，廣東話亦十分流利，對於今次這個角色，亦有在社交平台上分享心情： Sofi都幾慘，成副身家得返啲餅乾成日就住就住咁食，仲要冇地方瞓。啲野仲要咁重，sofi再大力都拎唔晒啲行李🥲 不過唔好再問我返咗菲律賓未
Lucii「黃詩雅」平日的相片其實一啲都唔似菲傭，沒有楚楚可憐的樣貎時，原來係一個型格東歐美女，操一口流利廣東話的她，相信未來在其他劇集中仍然大有發揮 ！
文章版權為新傳媒集團所擁有，原文請按： 网页链接
