阿Sa蔡卓妍和阿嬌鍾欣潼出道22週年，於1月21日起在紅館舉行一連14場的《TWINS SPIRIT SINCE 2001 LIVE IN HONG KONG》演唱會，首場2人帶來一連串的經典飲歌，與觀眾跳足全場氣氛high爆！一齊睇睇頭場演唱會有啲咩睇！
阿Sa和阿嬌一開場帶來15分鐘的Opening Medley，唱出一系列經典代表作，包括《明愛暗戀補習社》、《二人世界盃》、《愛情當入樽》、《ICHIBAN興奮》和《跅跅步哈姆太郎》等等，全場唱了37首歌！
阿Sa和阿嬌於2001年以《明愛暗戀補習社》一曲正式出道，當年只有18歲的阿Sa和20歲的阿嬌在MV中於沙灘上打側手翻的一幕，成為了她們的招牌動作。如今2人雖然已經40有加，但依然能夠在舞台上輕鬆打到側手翻，在《跅跅步哈姆太郎》期間，連續2次做出經典側手翻，回憶返晒嚟！
Twins在演唱會中換上多套性感戰衣，其中以粉紅Bra Top和黑色透視裝最為搶眼，不但大騷強勁腹肌，若隱若現的樣子更是令人為之驚艷，大展她們的性感魅力。
1月21日剛好是阿嬌的43歲正日生日，阿Sa為了幫好姊妹慶生落足心機，呼籲全場歌迷在凳底舉起入場時分發好的紙牌向阿嬌講生日快樂兼唱生日歌，可惜有歌迷把海報的顏色互相調亂而沒有辦法統一生日快樂字句畫面，搞到阿Sa扁晒嘴：「變咗印象派，原本好好睇㗎！唯有之後畀番相你睇啦！」
阿嬌和阿Sa分別在台上說出感謝對方的話，2人講講下都講到眼濕濕喊晒口：「廿年前冇諗過走到呢一步，我知道喺人生高處定低潮，我哋終於由一個階段走到另一個階段，我哋都喺埋一齊，多謝你鍾欣潼！」阿嬌則向阿Sa說：「由細到大我都唔係自信嘅人，但我遇到困難，你哋會走出嚟支持我，有你喺我身邊，你嘅自信、開朗，都係我學習對象。我以前成日都半途而廢，但唯一同你嘅友誼係最長，我好榮幸可以同你組成Twins！」之後2人唱《相愛22年》時都忍不住淚灑現場，歌迷見到都超感動，大呼：「唔好喊！」
文章版權為新傳媒集團所擁有，原文請按： 网页链接
