古佩玲早前出席《万千星辉颁奖典礼2023》上台领奖讲感言时，因笑容不自然凹陷呈现“硬胶”样而引发网民热议。TVB处境喜剧《爱·回家之开心速递》于电视城举行宣传活动，古佩玲未有出席。
对于绯闻女友古佩玲被批“硬胶”样，陈浚霆在接受《香港01》访问时表示：“我都有睇新闻，事后我都有同佢倾偈，唔觉得佢有唔开心，而佢都有同我讲佢自己一直都係baby Fat，倾偈过程觉得佢心理质素都好好，反而佢安慰返我转头，叫我唔使担心佢，因为我係惊佢会有嘢。不过我同佢都係当笑话一宗。
（你有冇整蛊吓佢，笑佢又整得几靓！）我都有话，如果係整嘅就一齐，仲问佢有咩好介绍。不过无论点，我都会信佢。（其实而家医学美容都好普遍，整得靓就得！）首先靓就得啦！同埋最紧要係佢开心。（你接唔接受医美呢样嘢？）我觉得已经係好普遍，唔係咩嘅特别嘢，我会保持开放嘅态度，因为到我年纪大咗嘅时候，我都要微调一吓。”
