金庸的武俠小說經常被翻拍成影視作品，當中為人熟知唔少得《神鵰俠侶》和《射鵰英雄傳》。內地電影《神鵰俠侶：問世間》最近釋出預告，並宣布演員陣容，不過網民對飾演郭靖的羅嘉良似乎不太收貨，仲狠批佢又殘又憔悴……
電影《神鵰俠侶：問世間》的預告一出，不少網民都對演員陣容議論紛紛。當中飾演郭靖的羅嘉良更遭大量網民狠批，紛紛表示對新版郭靖的不滿：「史上最老郭靖」、「唔好破壞得唔得啊！佢係楊康，永遠嘅楊康」、「這次的選角……是喜劇嗎？」
TVB早在1994年已經推出過《射鵰英雄傳》一劇，楊康由當年32歲的羅嘉良飾演，而郭靖則由張智霖擔任。而按照小說中的角色設定，郭靖為義兄，楊康為義弟，換句話說，當時年紀大9歲的羅嘉良還要稱張智霖做一聲「大哥」！
因此現時羅嘉良在電影中飾演郭靖就收到不少負評：「楊康老左變郭靖」、「楊過20歲的時候郭靖大約40歲，羅嘉良太老了」、「明明是楊康，突然變郭靖」、「楊康變成郭靖？太他媽扯了……」
網民除了對羅嘉良由楊康變郭靖不滿外，更發現羅嘉良竟然意外撞樣大自己14年，於TVB處境劇《愛．回家之開心速遞》中的飾演大龍生的羅樂林，仲狠批羅嘉良：「郭靖嘅樣好殘好憔悴」。其實羅樂林50年前於佳藝電視演楊過出身，更在4年前於《愛回家》再次飾演楊過，仲好自豪咁對傳媒講：「我40幾年腰圍都冇變過」，大讚自己keep得唔錯！
文章版權為新傳媒集團所擁有，原文請按： 网页链接
